Стары Хатабыч - адзін з найбольш вядомых персанажаў дзіцячай літаратуры. У 1938 годзе яго прыдумаў пісьменнік беларуска-габрэйскага паходжання Лазар Іосіфавіч Гінзбург, які пісаў пад псеўданімам Лазар Лагін. З тае пары (ужо амаль 100 год) джын пасяліўся ў кнігах, на тэлеэкранах і ў сэрцах людзей.
Што можа быць у гляку, знойдзеным на дне ракі?
Волька чакаў усё што заўгодна - пасланне, залатыя манеты, каштоўнасці, - дзе там! З пасудзіны вылез... стары! Ён, як выявілася, быў не звычайным чалавекам у гадах (звычайныя на дне ракі, як правіла, не водзяцца), а самым сапраўдным старым джынам. Гасан Абдурахман ібн Хатаб паабяцаў выконваць усе пажаданні свайго ратаўніка. Толькі чамусьці ўсё атрымліваецца не так, як хацелася б.
Аб прыгодах звычайнага школьніка і старадаўняга джына чытайце ў гэтай кніжцы.
|